ՀՀ ԱՆ. Հայաստանը մասնակցում է IPHEX 2015 ցուցահանդեսին

Հնդկաստանի Մումբայ քաղաքում այսօր մեկնարկել է IPHEX 2015 դեղագործական և առողջապահական միջազգային ցուցահանդեսը:

Հայաստանի զարգացման հիմնադրամի հնդկական կողմի հետ համագործակցության շրջանակում ՀՀ առողջապահության նախարարության, ինչպես նաև հայաստանյան դեղարտադրող և դեղներմուծող ընկերությունների ներկայացուցիչները մասնակցում են դեղագործական ոլորտի խոշորագույն IPHEX (Indian Pharmaceutical and Healthcare Expo) ցուցահանդեսին, որը համախմբել է ավելի քան 100 երկրի պատվիրակների:

Մասնակիցների գնահատմամբ` ցուցահանդեսը լայն հնարավորություն է ընձեռում ոչ միայն ծանոթանալու հնդկական արտադրանքին, այլև պայմանավորվածություններ ձեռք բերելու, համագործակցությունն ընդլայնելու:

Ցուցահանդեսին, բացի դեղերից, ներկայացված են նաև բժշկական սարքավորումներ, տեխնոլոգիաներ, արտադրական հոսքագծեր, բժշկական, խնամքի պարագաներ, որոնք իրենց որակով չեն զիջում եվրոպական լավագույն արտադրանքին և ավելի մատչելի են:

Խմբային աշխատանքների ժամանակ հայաստանյան պատվիրակները հանդես կգան զեկույցներով:

IPHEX 2015-ը մի քանի տարի շարունակ մեկ վայրում միավորում է Հնդկաստանի և այլ երկրների առողջապահության ոլորտի ու դեղարտադրության ներկայացուցիչներին: Կանխատեսվում է, որ դեղագործական ծառայության զարգացմանը միտված այս ցուցահանդեսը կունենա ավելի քան 2000 այցելու:

Հարցեր, պատասխաններ, մեկնաբանություններ